കൊച്ചി: കേരള ലേബര് മൂവ്മെന്റ് (കെഎല്എം) സംസ്ഥാന കമ്മിറ്റിയുടെ നേതൃത്വത്തില് കേരള ഡൊമസ്റ്റിക് വര്ക്കേഴ്സ് ഫോറത്തിന്റെ സഹകരണത്തോടെ അന്താരാഷ്ട്ര ഗാര്ഹിക തൊഴിലാളി ദിനാചരണം നടത്തി. എറണാകുളം പിഒസിയില് നടന്ന സമ്മേളനം തൃക്കാക്കര എംഎല്എ ഉമ തോമസ് ഭദ്രദീപം കൊളുത്തി ഉദ്ഘാടനം ചെയ്തു.
ഡൊമസ്റ്റിക് വര്ക്കേഴ്സ് ഫോറം സംസ്ഥാന പ്രസിഡന്റ് അഡ്വ. അഞ്ജലി സൈറസ് സമ്മേള നത്തില് അധ്യക്ഷത വഹിച്ചു. കെഎല്എം സംസ്ഥാന ഡയറക്ടര് ഫാ. അരുണ് വലിയതാഴത്ത് ആമുഖ പ്രഭാഷണവും കെസിബിസി ഡെപ്യൂട്ടി സെക്രട്ടറി ജനറല് ഫാ. തോമസ് തറയില് അനുഗ്രഹ പ്രഭാഷണവും നടത്തി.
കെഎല്എം സംസ്ഥാന പ്രസിഡന്റ് ജോസ് മാത്യു ഊക്കന്, യുറ്റിഎ സംസ്ഥാന ചെയര്മാന് ജോസഫ് ജൂഡ്, കെഎല്എം സംസ്ഥാന ജനറല് സെക്രട്ടറി ഡിക്സന് മനീക്ക്, സംസ്ഥാന ട്രഷറര് അഡ്വ. തോമസ് മാത്യു, യുറ്റിഎ കണ്വീനര് ബാബു തണ്ണിക്കോട്ട്, വനിത ഫോറം സംസ്ഥാന പ്രസിഡന്റ് ബെറ്റ്സി ബ്ലെയ്സ്, വനിത ഫോറം സംസ്ഥാന സെക്രട്ടറി റോസമ്മ, കെഎല്എം സംസ്ഥാന കോ-ഓര്ഡി നേറ്റര് സിസ്റ്റര് ലീന സി എന്നിവര് പ്രസംഗിച്ചു.
ദിനാചരണത്തിന്റെ ഭാഗമായി സംഘടിപ്പിച്ച സെമിനാറില് ‘ഗാര്ഹിക തൊഴിലാളികളുടെ പ്രസക്തി, വെല്ലുവിളികളും സാധ്യതകളും’ എന്ന വിഷയത്തെ അധികരിച്ച് തൃക്കാക്കര ഭാരതമാതാ കോളേജ് റിട്ട. പ്രഫസര് ഡോ. കൊച്ചുറാണി ജോസഫ് ക്ലാസ് നയിച്ചു.
ഗാര്ഹിക തൊഴിലാളികളുടെ അവകാശ സംരക്ഷണം ഉറപ്പുവരുത്തേണ്ടത് കാലഘട്ടത്തിന്റെ ആവശ്യമാണെന്ന് സമ്മേളനം വിലയിരുത്തി.
