മൈസൂരു: ദിവ്യകാരുണ്യത്തിന്റെ അസാധാരണ ശുശ്രൂഷകര്ക്ക് മൈസൂരു രൂപതയില് പരിശീലനം നല്കി. മൈസൂരു കാത്തലിക് സെന്ററില് നടന്ന സംഗമത്തില് രൂപതയുടെ വിവിധ ഭാഗങ്ങളില് നിന്നുള്ള സന്യാസ സമൂഹങ്ങളിലെ 163 കന്യാസ്ത്രീമാരും ബ്രദേഴ്സും പങ്കെടുത്തു.
രോഗികള്ക്കും പ്രായമായവര്ക്കും ഭവനങ്ങളില്ച്ചെന്ന് ദിവ്യകാരുണ്യം നല്കുക, ദിവ്യകാരുണ്യ ഭക്തി വര്ധിപ്പിക്കുക തുടങ്ങിയ ലക്ഷ്യങ്ങളോടെയാണ് പരിശീലനം സംഘടിപ്പിച്ചത്.
മൈസൂരു ബിഷപ് ഡോ. ഫ്രാന്സിസ് സെറാവോ പരിശീലനത്തിന് നേതൃത്വം നല്കി. ദിവ്യകാരുണ്യ ത്തിന്റെ അസാധാരണ ശുശ്രൂഷകര് പ്രാര്ത്ഥനയി ലൂടെയും സേവനത്തിലൂടെയും മാതൃകാപരമായ ജീവിതത്തി ലൂടെയും ക്രിസ്തുവിന് സാക്ഷികളാകാന് വിളിക്കപ്പെട്ടവരാണെന്ന് ബിഷപ് സെറാവോ പറഞ്ഞു.
ദുരിതമനുഭവിക്കുന്ന മണിപ്പൂരിലെ ജനങ്ങള്ക്കായി സംഗമത്തോടനുബന്ധിച്ച് പ്രത്യേക ധനസമാഹരണം നടത്തി. മൈസൂരു രൂപത നടത്തിവരുവരുന്ന വിശ്വാസ വര്ഷാചരണത്തിന്റെ ഭാഗമായിട്ടാണ് ദിവ്യകാരുണ്യ ശുശ്രൂഷകര്ക്കായി ഏകദിന പരിശീലനം സംഘടിപ്പിച്ചത്.
