പുൽപ്പള്ളി: സീറോ മലബാർ സഭയിലെ സമുദായ ശക്തീകരണ വർഷത്തോടനുബന്ധിച്ച് ഭവനരഹിതർക്ക് വീടുകൾ നിർമ്മിച്ചു നൽകുന്നതിൻ്റെ ഭാഗമായി, പുൽപ്പള്ളി തിരുഹൃദയ ഇടവകയിലെ എ കെ സി സി യുടെ നേതൃത്വത്തിൽ നിർമ്മിച്ച ഭവനത്തിൻ്റെ വെഞ്ചരിപ്പു കർമ്മം മാനന്തവാടി രൂപത സഹായ മെത്രാൻ മാർ അലക്സ് താരാമംഗലം നിർവഹിച്ചു. ഇതോടനുബന്ധിച്ചു നടന്ന യോഗം മാർ താരാമംഗലം ഉദ്ഘാടനം ചെയ്തു.
എ കെ സി സി ഇടവകാ പ്രസിഡൻ്റ് അഡ്വ: ജോയി വളയം പള്ളി അധ്യക്ഷത വഹിച്ചു. എ കെ സി സി രൂപത പ്രസിഡൻ്റ് ജോൺസൺ തൊഴുത്തിങ്കൽ, തിരുഹൃദയ വികാരി ഫാ. ജോഷി പുൽപ്പയിൽ, ബിജു അരിക്കാട്ട്, സിസ്റ്റർ ജാസ്മിൻ സി എം സി, മേരി ചെരുവിൽ എന്നിവർ പ്രസംഗിച്ചു.
