അങ്ങാടിപ്പുറം: ദൈവത്തിന്റെ കരസ്പര്ശമാണ് പൗരോഹിത്യമെന്ന് ബിഷപ് മാര് റെമിജിയോസ് ഇഞ്ചനാനിയില്. ഫാ. ബിജു ചെന്നിക്കര, ഫാ. ജോസു കുട്ടി കാലായില് എന്നിവരുടെ പൗരോഹിത്യ രജത ജൂബിലി ആഘോഷം പാലൂര് കോട്ട സെന്റ് മേരീസ് പള്ളി അങ്കണത്തില് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ഒരേ ഹൃദയവും ഒരേ ആത്മാവുമായി സമൂഹത്തെ വളര്ത്തുന്നവരാണ് വൈദികര്. പൗരോഹിത്യം ത്യാഗത്തിന്റെ വഴിയാണ്. ദൈവത്തോടുള്ള സ്നേ ഹമാണ് പൗരോഹിത്യത്തോടുള്ള സ്നേഹമായി മാറുന്നത്; മാര് ഇഞ്ചനാനിയില് പറഞ്ഞു.
പരിയാപുരം ഫൊറോന വികാരി ഫാ. ജോര്ജ് കളപ്പുരക്കല് അധ്യക്ഷത വഹിച്ചു. പെരിന്തല്മണ്ണ ഫൊറോന വികാരി ഫാ. ആന്റണി കാരിക്കുന്നേല്, ഫാ. സണ്ണി മുകളേപ്പറമ്പില്, ഫാ. സെബാസ്റ്റ്യന് പനമറ്റംപറമ്പില്, മദര് സുപ്പീരിയര് ഷീബ ചേറു, പാരിഷ് സെക്രട്ടറി ജോസുകുട്ടി കൊച്ചീത്ര തുടങ്ങിയവര് പ്രസംഗിച്ചു.
