കോട്ടയം: വ്യവസായങ്ങള്ക്കും ഖനനത്തിനുമടക്കം നിയമങ്ങള് ലളിതവത്ക്കരിക്കുമ്പോള് മാനവസേവനത്തിന് ചട്ടങ്ങള് കൂച്ചുവിലങ്ങിടുന്നത് ഖേദകരമാണെന്ന് മലങ്കര ഓര്ത്തഡോക്സ് സുറിയാനി സഭ.
എഫ്സിആര്എ ചട്ടഭേദഗതിയിലൂടെ അക്കൗണ്ട് ഉടമകളുടെ സാമൂഹ്യമാധ്യമ അക്കൗണ്ടുകളുടെയും പബ്ലിക്കേഷനുകളുടെയും വിവരങ്ങള് ആവശ്യപ്പെ ടുന്നത് സംശയാസ്പദവും മൗലിക അവകാശങ്ങളുടെമേലുള്ള കടന്നുകയറ്റവുമാണെന്ന് സഭയുടെ മാധ്യമ വിഭാഗം പ്രസിഡന്റ്ഡോ. യൂഹാനോന് മാര് ദീയസ്ക്കോറോസ് മെത്രാപ്പോലീത്ത പ്രസ്താവനയില് ചൂണ്ടിക്കാട്ടി.
ചട്ടങ്ങള് പരിഷ്ക്കരിക്കും മുന്പ് ബന്ധപ്പെട്ട വരുമായി കൂടിയാലോചനകള് നടത്താമായിരുന്നു. സാമ്പത്തിക ഇടപാടുകള് കൃത്യമായി ഓഡിറ്റ് ചെയ്യപ്പെടുന്നുണ്ട്. ഇതിന് പുറമേ പ്രസ്ഥാനങ്ങളുടെ നിലപാടുകളെയും ഓഡിറ്റ് ചെയ്യാന് ശ്രമിക്കുന്നത് അഭിപ്രായ സ്വാതന്ത്ര്യത്തിന് നേരെയുള്ള വെല്ലുവിളി യാണ്.
സര്ക്കാരുകളെ വിമര്ശിച്ചാല് അക്കൗണ്ട് ഫ്രീസ് ചെയ്യപ്പെടാം എന്ന മുന്നറിയിപ്പ് പരോക്ഷമായി നല്കുകയാണോ എന്ന് സ്വാഭാവികമായും സംശയി ക്കാം. സംസ്ഥാനത്തിന് പുറത്തുള്ള മിഷന് പ്രവര്ത്ത നങ്ങള്ക്ക് തടസം നേരിടാനുള്ള സാധ്യതകളും പുതിയ ചട്ടത്തില് പ്രകടമാണ്. എഫ്സിആര്എ വിഷയത്തില് വിവിധ ക്രൈസ്തവ സഭകളുമായി കൂടിയാലോചിച്ച് തുടര്നടപടികള് കൈക്കൊള്ളുമെന്ന് സഭാനേതൃത്വം വ്യക്തമാക്കി.
