കേരളത്തിന്റെ മിഷനറിമാരുടെ തീക്ഷ്ണമായ പ്രേഷിതപ്രവർത്തനങ്ങളാണ് വടക്കുകിഴക്കൻ സഭയുടെ വളർച്ചയ്ക്ക് അടിത്തറ പാകിയതെന്ന് ഐസ്വാൾ ബിഷപ്പ് സ്റ്റീഫൻ റോട്ട്ലുവാംഗ അനുസ്മരിച്ചു. മിസോറാം ഉൾപ്പെടെയുള്ള വടക്കുകിഴക്കൻ സംസ്ഥാനങ്ങളിലെ സഭയുടെ കരുത്ത് കേരളം നൽകിയ നിസ്തുലമായ മിഷനറി സംഭാവനകളാണെന്ന് അദ്ദേഹം ഊന്നിപ്പറഞ്ഞു. തലമുറകളായി പകർന്നുനൽകിയ ഈ വിശ്വാസ തീക്ഷ്ണതയോട് വടക്കുകിഴക്കൻ സഭ എന്നും കടപ്പെട്ടിരിക്കുന്നുവെന്നും അദ്ദേഹം പ്രസ്താവിച്ചു.
മാർ ഈവാനിയോസ് പിതാവിന്റെ പ്രേഷിത തീക്ഷ്ണതയിൽ ബഥനി സന്യാസ സമൂഹം
ദൈവദാസൻ മാർ ഈവാനിയോസ് പിതാവ് വിഭാവനം ചെയ്ത തപസ്സും പ്രേഷിത തീക്ഷ്ണതയും സമന്വയിപ്പിച്ച ആത്മീയ ധാരയാണ് ബഥനി സന്യാസ സമൂഹം. ഭാരതീയ സന്യാസ പാരമ്പര്യത്തെ ക്രൈസ്തവ ആധ്യാത്മികതയുമായി കോർത്തിണക്കി മലങ്കര സഭയുടെ പുനരൈക്യ പ്രസ്ഥാനത്തിന്
