ഇടുക്കി: സ്പെഷ്യല് സ്കൂളുകള്ക്കും അധ്യാപകര്ക്കും ആദരവ് അര്പ്പിച്ച് ഇടുക്കി രൂപത. വാഴത്തോപ്പില് നടന്ന ഇടുക്കി രൂപതയിലെ സ്പെഷ്യല് സ്കൂള് സംഗമത്തില് ഇടുക്കി രൂപതാ മെത്രാന് മാര് ജോണ് നെല്ലിക്കുന്നേല് അധ്യക്ഷത വഹിച്ചു.
ഭിന്നശേഷിക്കാരായ കുട്ടികളെ ത്യാഗപൂര്വം ശുശ്രൂഷിക്കുന്ന സമര്പ്പിതരെയും അധ്യാപകരെയും രൂപതയുടെയും പൊതുസമൂഹത്തിന്റെയും പേരില് അഭിനന്ദിക്കുന്നുവെന്ന് അദ്ദേഹം പറഞ്ഞു. ഇടുക്കി അഡീഷണല് ഡിസ്ട്രിക്ട് മജിസ്ട്രേറ്റ് ഷൈജു പി. ജേക്കബ് സംഗമം ഉദ്ഘാടനം ചെയ്തു.
മത്സരങ്ങളില് വിജയികളായവര്ക്കും മത്സര ത്തില് പങ്കെടുത്തവര്ക്കും സമ്മാനങ്ങള് നല്കി. രൂപതാ ചാന്സലര് റവ.ഡോ. മാര്ട്ടിന് പൊന്പനാല് പതാകയുയര്ത്തി.
വിവിധ സ്കൂളുകളിലെ വിദ്യാര്ത്ഥികള് കലാപരിപാടികള് അവതരിപ്പിച്ചു. 200 ഓളം വിദ്യാ ര്ത്ഥികളും അധ്യാപകരും സംഗമത്തില് പങ്കെടുത്തു. രൂപത മുഖ്യവികാരി ജനറാള് മോണ്. ജോസ് കരി വേലിക്കല്, ഫാ. ടോമി ആനിക്കുഴിക്കാട്ടില് എന്നിവര് പ്രസംഗിച്ചു.
ഫാ. തോമസ് പഞ്ഞിക്കുന്നേല്, ഫാ. ജിന്സ് കാരയ്ക്കാട്ട്, ഫാ. റോബിന് കാവുങ്കല്, സിസ്റ്റര് സ്നേ ഹ എസ്.എച്ച്, സിസ്റ്റര് ബിജി ജോസ് സിഎംസി, സിസ്റ്റര് ടെസി എഫ്സിസി, സിസ്റ്റര് ഏഞ്ചല് റാണി സിഎംസി എന്നിവര് നേതൃത്വം നല്കി.
