നെയ്യാറ്റിന്കര: വത്തിക്കാന്റെ വൈദികര്ക്കായുള്ള ഡിക്കാസ്റ്ററി സെക്രട്ടറി ബിഷപ് കാര്ലോ റോബെര്ട്ടോ മരിയ റദെയെല്ലിയുടെ പേഴ്സണല് സെക്രട്ടറിയായി മലയാളിയായ സിസ്റ്റര് സുജിത സേവ്യര് ഒ.എസ്.എച്ച്.ജെ- യെ നിയമിച്ചു. നെയ്യാറ്റിന്കര രൂപയിലെ ചുള്ളിമാനൂര് തിരുഹൃദയ ഫൊറോന ഇടവകാംഗവും ഒബ്ലേറ്റ് സിസ്റ്റേഴ്സ് ഓഫ് ദി സേക്രഡ് ഹാര്ട്ട് ഓഫ് ജീസസ് സഭാംഗവുമാണ് സിസ്റ്റര് സുജിത. വത്തിക്കാനിലെ വൈദികര്ക്കായുള്ള ഡിക്കാസ്ട്രിയുടെ അഡ്മിനിസ്ട്രേഷന് വിഭാഗത്തില് സിസ്റ്റര് ചുമതലയേറ്റു.
കടുത്ത വെല്ലുവിളികള് നിറഞ്ഞ ആഫ്രിക്കന് മിഷന് മേഖലകളില് നീണ്ട 7 വര്ഷക്കാലം സേവനമനുഷ്ഠിച്ച സിസ്റ്റര് സുജിത നെയ്യാറ്റിന്കര രൂപതയ്ക്ക് കീഴിലുള്ള ‘ക്രിസ്തു കിരണ് ബോയ്സ് ഹോമിന്റെ’ പ്രിന്സിപ്പലായും പ്രവര്ത്തിച്ചിട്ടുണ്ട്. ഏറെ നന്ദിയോടെയും സന്തോഷത്തോടെയും ഈ ദൗത്യം സ്വീകരിക്കുന്നതായും ദൈവനിയോഗമായി കണ്ട് സഭയ്ക്കായി പൂര്ണ്ണ ഹൃദയത്തോടെ ശുശ്രൂഷ ചെയ്യുമെന്നും സിസ്റ്റര് സുജിത പറഞ്ഞു.
