ബംഗളൂരു: മുന് ഇന്ത്യന് ക്രിക്കറ്റ് ടീം നായകന് രാഹുല് ദ്രാവിഡ് ഒരിക്കല്ക്കൂടി ബംഗളൂരു സെന്റ് ജോസഫ്സ് കോളേജ് ഓഫ് കൊമേഴ്സിന്റെ (എസ്ജെസിസി) അക്ഷരമുറ്റത്ത് എത്തിയപ്പോള് ഏറെ ആഹ്ലാദത്തോടെയാണ് മാനേജ്മെന്റും അധ്യാപകരും വിദ്യാര്ത്ഥികളും ചേര്ന്ന് സ്വീകരിച്ചത്.
കോളേജിന്റെ പ്ലാറ്റിനം ജൂബിലി (75 വര്ഷം) ആഘോഷങ്ങളില് പങ്കുചേരാനാണ് പൂര്വ്വവിദ്യാര്ത്ഥിയായ രാഹുല് ദ്രാവിഡ് എത്തിയത്. ആഘോ ഷങ്ങളുടെ ഭാഗമായി വിദ്യാര്ത്ഥികളെയും അധ്യാപകരെയും പൂര്വ്വവിദ്യാര്ത്ഥികളെയും അഭിസം ബോധന ചെയ്തുകൊണ്ട് 1994 ബാച്ച് വിദ്യാര്ത്ഥിയായ ദ്രാവിഡ് തന്റെ ഓര്മ്മകള് പങ്കുവെച്ചു.
പഠനത്തിലും കായികരംഗത്തുമുള്ള അവസരങ്ങള് പരമാവധി പ്രയോജനപ്പെടുത്തണമെന്ന് അദ്ദേഹം വിദ്യാര്ത്ഥികളെ ഓര്മ്മിപ്പിച്ചു. കര്ണാടകയിലെ വിവിധ കോളജുകളിലെ ടീമുകള് പങ്കെടുത്ത ഇന്റര് കോളേജിയറ്റ് ഹോക്കി ടൂര്ണമെന്റ് ഉദ്ഘാടനം ചെയ്ത രാഹുല് ദ്രാവിഡ് കോളേജിന്റെ ഡയമണ്ട് ജൂബിലി ലോഗോയും പ്രകാശനം ചെയ്തു.
ബംഗളൂരു ജെസ്യൂട്ട് എഡ്യൂക്കേഷണല് സൊസൈറ്റി റെക്ടര് ഫാ. ഡാനിയല് ഫെര്ണാണ്ടസ്, പ്രിന്സിപ്പല് ഫാ. ചാര്ളി ലാസ്രാഡോ, കൊമേഴ്സ് വിഭാഗം മേധാവി നിശ്ചിത കെ, മാനേജ്മെന്റ് പ്രതിനിധികള്, പൂര്വ്വവിദ്യാര്ത്ഥികള് തുടങ്ങിയവര് ചടങ്ങില് പങ്കെടുത്തു.
