തൃശൂര്: ജോലി എന്ന സ്വപ്നം ബാക്കിയാക്കിയാണ് നവോമി വിന്സന്റ് യാത്രയായതെങ്കിലും 6 പേര്ക്ക് പുതുജീവന് സമ്മാനിച്ചാണ് മുന് കായികതാരംകൂടിയായ ആ 23-കാരി ഈ ലോകത്തില്നിന്നും കടന്നുപോയത്.
എംഎസ്സി സൈക്കോളജി പൂര്ത്തിയാക്കിയ നവോമി, ആദ്യമായി ലഭിച്ച ജോലിയില് പ്രവേശി ക്കാനാണ് ജൂണ് 24 ന് രാത്രിയില് അമ്മയ്ക്കും സഹോദരന് ജോയലിനുമൊപ്പം തിരുവനന്ത പുരത്തേക്കു പോയത്. അവര് സഞ്ചരിച്ചിരുന്ന കാര് 25ന് വെളുപ്പിനെ നാലരയോടെ കൊട്ടാരക്കരയ്ക്കു സമീപം വച്ച് പാഴ്സല് ലോറിയുമായി കൂട്ടിയിടിച്ചാണ് അപകടം സംഭവിച്ചത്. മൂന്നു പേര്ക്കും പരുക്കേറ്റു.
ഗുരുതരമായി പരുക്കേറ്റ നവോമി തിരുവനന്ത പുരത്തെ സ്വകാര്യ ആശുപത്രിയില് ചികിത്സയിലിക്കെ ഇന്നലെ (ജൂണ് 28) രാവിലെ ഒന്പതരയോടെ മരിച്ചു. മസ്തിഷ്ക മരണ സംഭവിച്ച വിവരം ഡോക്ടര്മാര് അറിയിച്ചപ്പോള് കഠിനവേദനയുടെ നടുവിലും നവോമിയുടെ അവയവങ്ങള് ദാനംചെയ്യാന് ആ കുടുംബം മുന്നോട്ടുവരുകയായിരുന്നു. സംസ്ഥാന സര്ക്കാരിന്റെ അവയവദാന പോര്ട്ടല് വഴി റജിസ്റ്റര് ചെയ്തവര്ക്ക് അവയവങ്ങള് നല്കും. കരള്, കണ്ണുകള്, വൃക്കകള് എന്നിവയാണ് ദാനം ചെയ്യുന്നത്.
ചികിത്സയിലുള്ള അമ്മയെയും സഹോദരനെയും തൃശൂരിലെ ആശുപത്രിയിലേക്കു മാറ്റി. തൃശൂര്, വടക്കാഞ്ചേരി പുല്ലാനിക്കാട് വാണിയക്കിഴക്കേല് ഹൗസില് വിന്സന്റ് -ജിപ്സി ദമ്പതികളുടെ മകളാണ് നവോമി. സ്കൂള് കാലത്ത് ഖോ ഖോ താരമായിരുന്നു.
