കൊച്ചി: തൃശൂര് പൂരത്തിന്റെ ഒരുക്കങ്ങള് നടന്നുകൊണ്ടിരിക്കെ,14 പേരുടെ ജീവനെടുക്കുകയും നിരവധി പേര്ക്ക് ഗുരുതരമായി പരിക്കേല്ക്കുകയും ചെയ്ത മുണ്ടത്തിക്കോട് വെടിക്കെട്ട് അപകടത്തില് കേരളത്തിലെ ലത്തീന് മെത്രാന് സമിതി (കെആര്എല്സിബിസി) ദുഃഖവും അനുശോചനവും രേഖപ്പെടുത്തി.
സ്ഫോടനത്തില് മരണമടഞ്ഞവരുടെ ആത്മശാന്തിക്കായും പരിക്കേറ്റവരുടെ സൗഖ്യത്തിനായും പ്രാര്ത്ഥിക്കുന്നുവെന്ന് കെആര്എല്സിബിസി പ്രസിഡന്റ് ആര്ച്ചുബിഷപ് ഡോ. വര്ഗീസ് ചക്കാലയ്ക്കല് പറഞ്ഞു.
ഈ നഷ്ടവും വേദനയും കേരളം മുഴുവന്റേതുമാണ്. ഇത്തരം ദുരന്തങ്ങള് ആവര്ത്തിക്കാതിരിക്കാന് സര്ക്കാര് ഉചിതമായ അന്വേഷണവും കര്ശനമായ സുരക്ഷാ നടപടികളും സ്വീകരിക്കണമെന്നും ആര്ച്ചുബിഷപ് ചക്കാലയ്ക്കല് ആവശ്യപ്പെട്ടു.
