കണ്ണൂര്: കനകപ്പള്ളി വടക്കാംകുന്ന് കുരിശുമല പ്രയാണം കണ്ണൂര് രൂപതയിലെ കെസിവൈഎമ്മിന്റെ ആഭിമുഖ്യത്തില് നടത്തി. ഒമ്പത് വര്ഷമായി കെസിവൈഎം കണ്ണൂര് രൂപതയുടെ നേതൃത്വത്തില് നടത്തിവരുന്ന ഈ കുരിശുമല പ്രയാണത്തിന് കനകപ്പള്ളി മാര്ട്ടിന് ഡി പോറസ് ഇടവക ആതിഥേയത്വം വഹിച്ചു.
കണ്ണൂര് രൂപത മെത്രാന് ഡോ. അലക്സ് വടക്കുംതല, സഹായ മെത്രാന് ഡോ. ഡെന്നീസ് കുറുപ്പശേരി എന്നിവരുടെ നേതൃത്വത്തില് വൈദികരും, വിവിധ ഇടവകകളില് നിന്നും എത്തിയ വിശ്വാസികളും വടക്കാംകുന്ന് മലമുകളില് കുരിശുമായി എത്തിയിരുന്നു.
തുടര്ന്ന് മെത്രാന്മാര് അനുഗ്രഹപ്രഭാഷണവും നടത്തി. കെസിവൈഎം കണ്ണൂര് രൂപത പ്രസിഡന്റ് റോജന് എന്. അധ്യക്ഷത വഹിച്ചു.
കെസിവൈഎം കണ്ണൂര് രൂപത ഡയറക്ടര് ഫാ. ജസ്റ്റിന് എടത്തില്, സെന്റ്മാര്ട്ടിന് ഡി പോറസ് ഇടവക വികാരി ഫാ. അനില് അറക്കല്, കെസിവൈഎം രൂപത ജനറല് സെക്രട്ടറി സെബി പി. സന്തോഷ് എന്നിവര് പ്രസംഗിച്ചു.
