വല്ലറ്റ/മാള്ട്ട: യൂറോപ്യന് രാജ്യമായ മാള്ട്ടയിലെ സീറോ മലബാര് കമ്മ്യൂണിറ്റിയുടെ നേതൃത്വത്തില് എവേക്ക് (‘Awake’) മ്യൂസിക്കല് റിട്രീറ്റ് പ്രോഗ്രാം നടത്തി. നഷാര് ചര്ച്ച് പാരീഷ് ഹാളില് നടന്ന ചടങ്ങ് മാള്ട്ടയിലെ സീറോ മലബാര് യൂത്ത് മൂവ്മെന്റിന്റെ നേതൃത്വത്തിലാണ് സംഘടിപ്പിച്ചത്. യൂറോപ്പിലെ യൂത്ത് അപ്പോസ്റ്റലേറ്റ് ഡയറക്ടര് ഫാ. ബിനോജ് മുളവരിക്കല് റിട്രീറ്റിന് നേതൃത്വം നല്കി. സംഗീതത്തിന്റെ അകമ്പടിയോടെ ദൈവവചനത്തിന്റെ ആഴങ്ങളിലേക്ക് നയിച്ച ശുശ്രൂഷകള് വിശ്വാസികള്ക്ക് വലിയ ആത്മീയ ഉണര്വാണ് പകര്ന്നത്.
യൂറോപ്പിലെ സീറോ മലബാര് സഭയുടെ അപ്പസ്തോലിക്ക് വിസിറ്റേറ്റര് മാര് സ്റ്റീഫന് ചിറപ്പണത്ത് റിട്രീറ്റ് ഉദ്ഘാടനം ചെയ്തു. ഇടവക വികാരി ഫാ. മാത്യു വാരുവേലില്, മാള്ട്ട യൂത്ത് കോര്ഡിനേറ്റര് ആല്ബര്ട്ട് ഡെബോനോ എന്നിവര് പങ്കെടുത്തു. യമാള്ട്ടയിലെ വിവിധ ഭാഗങ്ങളില് നിന്നുള്ള നൂറുകണക്കിന് വിശ്വാസികള് മൂന്ന് ദിവസങ്ങളിലായി നടന്ന ഈ സംഗീത ആത്മീയ വിരുന്നില് പങ്കാളികളായി. പരിപാടിയുടെ വിജയത്തിനായി എസ്എംവൈഎം മാള്ട്ടയുടെ നേതൃത്വത്തില് വിപുലമായ ക്രമീകരണങ്ങള് ഒരുക്കിയിരുന്നു.
