കോട്ടയം / പത്തനംതിട്ട : പൗരസ്ത്യ ജോര്ജ്ജിയന് തീര്ത്ഥാടന കേന്ദ്രമായ പുതുപ്പള്ളി സെന്റ് ജോര്ജ് ഓര്ത്തഡോക്സ് പള്ളിയിലെ ഈ വര്ഷത്തെ പെരുന്നാളിന് വെടിക്കെട്ട് ഉപേക്ഷിച്ചു.
മുണ്ടത്തിക്കോട് വെടിക്കെട്ട് ദുരന്തത്തിന്റെ പശ്ചാത്തലത്തില് സഭാധ്യക്ഷന് ബസേലിയോസ് മാര്ത്തോമ്മാ മാത്യൂസ് തൃതീയന് കാതോലിക്കാ ബാവ നല്കിയ ആഹ്വാനം ഏറ്റെടുത്താണ് തീരുമാനം.
സഭാധ്യക്ഷന്റെ സ്നേഹചലഞ്ച് ഏറ്റെടുത്ത് വെടിക്കെട്ട് ഒഴിവാക്കുകയാണെന്ന് ഇടവക ഭരണസമിതിക്ക് വേണ്ടി വികാരി ഫാ. ആന്ഡ്രൂസ് ടി. ജോണ് അറിയിച്ചു.
വെടിക്കെട്ടിനു ചിലവാകുന്ന തുക സഭയുടെ ജീവകാരുണ്യ പ്രവര്ത്തന മേഖലയായ സഹോദരന് പദ്ധതിയിലേക്കും, കോട്ടയം ഭദ്രാസനത്തിന്റെ ശതോത്തര സുവര്ണ്ണ ജൂബിലിയുടെ ചാരിറ്റി പ്രവര്ത്തനങ്ങള്ക്കും, പാമ്പാടി അഭയഭവന് ചാരിറ്റബിള് സൊസൈറ്റിയുടെ കീഴില് ഭിന്നശേ ഷിക്കാരുടെയും ഓട്ടിസം ബാധിതരുടെയും സംരക്ഷണത്തിനായി ഒരുങ്ങുന്ന ജിഎംഐ സെന്ററിന്റെ പ്രവര്ത്തനങ്ങള്ക്കും ഇടവകയുടെ ജീവകാരുണ്യ പ്രവര്ത്തനങ്ങള്ക്കും വിനിയോഗിക്കും.
മെയ് 5,6,7 തീയതികളില് നടക്കുന്ന പ്രധാന പെരുന്നാളിന് ഒരുക്കങ്ങള് പൂര്ത്തിയായതായും ട്രസ്റ്റിമാരായ ജെയിംസ്കുട്ടി പി. ചാക്കോ പാലാക്കു ന്നേല്, ജോര്ജ് തോമസ് പുതുപ്പനത്ത്, സെക്രട്ടറി അനീഷ് പി. തോമസ് പാപ്പാല എന്നിവര് അറിയിച്ചു.
പത്തനംതിട്ട ജില്ലയിലെ കോന്നി സെന്റ് ജോര്ജ് മഹാഇടവക, കാരൂര് സെന്റ് പീറ്റേഴ്സ്, അടൂര് ഇളം പള്ളിക്കല് സെന്റ് ജോര്ജ്, മാവേലിക്കര കരിപ്പുഴ സെന്റ് ജോര്ജ് എന്നീ പള്ളികളും വെടിക്കെട്ട് ഉപേക്ഷിച്ച് ആ തുക ജീവകാരുണ്യപ്രവര്ത്തനങ്ങള്ക്ക് വിനിയോഗിക്കുമെന്ന് പ്രഖ്യാപിച്ചു.
