കൊച്ചി: കേരള സര്ക്കാര് പ്രസിദ്ധീകരിച്ച ജെ.ബി കോശി കമ്മീഷന് റിപ്പോര്ട്ടിനെ കുറിച്ച് ലത്തീന് സമുദായം പഠനയോഗം നടത്തി. എറണാകുളം പിഒസിയില് ചേര്ന്ന യോഗംവരാപ്പുഴ അതിരൂപത സഹായമെത്രാന് ഡോ ആന്റണി വാലുങ്കല് ഉദ്ഘാടനം ചെയ്തു.
ജെ.ബി കോശി കമ്മീഷന് ശുപാര്ശകള് മുഴുവന് സമയബന്ധിതമായി നടപ്പിലാക്കണമെന്ന് ബിഷപ് ഡോ. ആന്റണി വാലുങ്കല് ആവശ്യപ്പെട്ടു. കെആര്എല്സിസി വൈസ് പ്രസിഡന്റ് ജോസഫ് ജൂഡ് അധ്യക്ഷത വഹിച്ചു. കെഎല്സിഎ പ്രസിഡന്റ് അഡ്വ. ഷെറി ജെ. തോമസ് മുഖ്യപ്രഭാഷണം നടത്തി .
കെസിബിസി ഡെപ്യൂട്ടി സെക്രട്ടറി ഫാ. തോമസ് തറയില്, തിരുവനന്തപുരം ലത്തീന് അതിരൂപത വികാരി ജനറല് മോണ്. യൂജിന്. എച്ച്. പെരേര എന്നിവര് ചര്ച്ചകള്ക്ക് നേതൃത്വം നല്കി. കെഎല് സിഎ ജനറല് സെക്രട്ടറി ബിജു ജോസി കരുമാ ഞ്ചേരി, ഫാ. ഫ്രാന്സിസ് സേവ്യര് തന്നിക്കാപള്ളി, ഫാ. ക്ളീറ്റസ് കളത്തിപറമ്പില്,ഫാ. ജോസഫ് ഡോമിനിക്ക് , ഫാ. രാജു കളത്തില്, ഫാ. സ്റ്റീഫന് എം. പുന്നക്കല്, അഡ്വ. ജസ്റ്റിന് കരിപാട്ട്, അഡ്വ. നില്ട്ടന് റിമെല്ലോ തുടങ്ങിയവര് പ്രസംഗിച്ചു.
