കൊച്ചി: ജെ.ബി കോശി കമ്മീഷന് റിപ്പോര്ട്ടില് രാഷ്ട്രീയ പാര്ട്ടികള് നിലപാട് വ്യക്തമാക്കണമെന്ന് സീറോമലബാര് സഭ മേജര് ആര്ച്ചുബിഷപ് മാര് റാഫേല് തട്ടില്. കാക്കനാട് മൗണ്ട് സെന്റ് തോമസില് നടന്ന കത്തോലിക്ക കോണ്ഗ്രസ് രാഷ്ട്രീയകാര്യ നേതൃസമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ഈ റിപ്പോര്ട്ടില് നടത്തുന്ന ഒളിച്ചുകളി സമുദായത്തെ അവഹേളിക്കുന്നതാണ്. അവഗണന തുടര്ന്നാല് കൃത്യമായ നിലപാട് സ്വീകരിക്കാന് സമുദായം സജ്ജമാണെന്നും മാര് തട്ടില് കൂട്ടിച്ചേര്ത്തു.
സമുദായത്തിന്റെയും കര്ഷകരുടെയും വിഷയ ങ്ങള് അവഗണിക്കുന്നവരെ തിരഞ്ഞെടുപ്പില് തിരിച്ചും അവഗണിക്കുമെന്നും സമുദായത്തെ പരിഗണിക്കുന്നവരെ തിരിച്ചും പരിഗണിക്കുമെന്നും മാര് തട്ടില് പറഞ്ഞു. വന്യജീവി നിയമം ഭേദഗതി ചെയ്യണമെന്നും റബര്, നെല്ല് കര്ഷകരുടെ പ്രശ്നം പരിഹരിക്കണമെന്നും മാര് തട്ടില് ആവശ്യപ്പെട്ടു.
വരുന്ന തെരഞ്ഞെടുപ്പില് സമുദായ അംഗങ്ങള്ക്ക് അര്ഹമായ പ്രാതിനിധ്യം നല്കാന് രാഷ്ട്രീയപാര്ട്ടികള് തയാറാകണമെന്നും മതസൗഹാര്ദം നിലനിര്ത്താന് കഠിനമായ ശ്രമങ്ങള് ഉണ്ടാക ണമെന്നും സമ്മേളനം പ്രമേയത്തിലൂടെ ആവശ്യ പ്പെട്ടു.
പ്രസിഡന്റ് രാജീവ് കൊച്ചുപറമ്പില് അധ്യക്ഷത വഹിച്ചു. സഭ ചാന്സലര് റവ.ഡോ. ഏബ്രഹാം കാവില്പുരയിടത്തില്, പിആര്ഒ റവ. ഡോ. ടോം ഓലിക്കരോട്ട്, ഡയറക്ടര് റവ. ഡോ. ഫിലിപ്പ് കവിയില്, ജനറല് സെക്രട്ടറി ഡോ. ജോസ്കുട്ടി ഒഴുകയില്, രാഷ്ട്രീയകാര്യസമിതി കോ-ഓര് ഡിനേറ്റര് പ്രഫ. കെ.എം ഫ്രാന്സിസ് തുടങ്ങിയവര് പ്രസംഗിച്ചു.
