ഓക്സ്നാര്ഡ് /കാലിഫോര്ണിയ: ദൈവത്തെ~തേടാനും ജീവിതത്തിലേക്ക് സ്വീകരിക്കാനും പ്രായം തടസമല്ലെന്ന് ഓര്മിപ്പിക്കുകയാണ് ഈ വര്ഷം ഈസ്റ്റര് ജാഗരണ ബലിയില് മാമ്മോദീസാ സ്വീകരിച്ച കാലിഫോര്ണിയയില് നിന്നുള്ള 98 വയസുകാരിയായവിര്ജീനിയ എയ്ഡസന്. ഒരു നൂറ്റാണ്ടോളം പിന്നിട്ട ജീവിതത്തിന് ശേഷം കാലിഫോര്ണിയയിലെ ഓക്സ്നാര്ഡിലുള്ള സെന്റ് ക്ലെയര് ഇടവകയില് നിന്നാണ് വിര്ജീനിയ എയ്ഡസന് കത്തോലിക്ക വിശ്വാസം സ്വീകരിച്ചത്. നേരത്തെ കത്തോലിക്ക വിശ്വാസം സ്വീകരിച്ച മകന് ബ്രൂസായിരുന്നു വിര്ജീനിയയുടെ തലതൊട്ടപ്പന്.
പലായനവും കുടിയേറ്റവും ഭര്ത്താവിന്റെ മരണവും ഉള്പ്പടെ പച്ചയായ നിരവിധി ജീവിതാനുഭവങ്ങളിലൂടെ കടന്നുപോയ വ്യക്തിയായിരുന്നു വിര്ജീനിയ എയ്ഡ്സന്. ഒരു രാത്രിയില് ഉണ്ടായ ആത്മീയമായ ചിന്തയാണ് വിര്ജീനിയയെ ഈ തീരുമാനത്തില് എത്തിച്ചത്. കാലങ്ങളായി മകന് ബ്രൂസിനൊപ്പം പള്ളിയില് പോകാറുണ്ടായിരുന്നെങ്കിലും, ഔദ്യോഗികമായി കത്തോലിക്ക വിശ്വാസം സ്വീകരിച്ചിരുന്നില്ല. പിറ്റേദിവസം വിര്ജീനിയ മകനോട് പറഞ്ഞു: ‘ഞാന് കത്തോലിക്കാ സഭയില് ചേരാന് ആഗ്രഹിക്കുന്നു.’
