കോഴിക്കോട്: ദുഃഖവെള്ളിയാഴ്ച വയനാടന് ചുരത്തില് നടത്തുന്ന കുരിശിന്റെ വഴിയുടെ ഒരുക്കങ്ങള് പൂര്ത്തി യായതായി ഗത്സമന് ഡയറക്ടര് ഫാ. തോമസ് തുണ്ടത്തില്, ജനറല് കോ-ഓര്ഡിനേറ്റര് ജോസ് അഗസ്റ്റിന് കീപ്പുറത്ത് എന്നിവര് പറഞ്ഞു.
താമരശേരി അടിവാരം ഗത്സമന് ഗ്രോട്ടോയില് നിന്ന് ആരംഭിച്ച് 16 കിലോമീറ്റര് താണ്ടി ലക്കിടി മൗണ്ട് സീനായ് ദേവാലയത്തില് സമാപിക്കുന്നതാണ് കുരിശിന്റെ വഴി.
ഏപ്രില് 3-ന് അതിരാവിലെ മുതല് വിശ്വാസികള് എത്തും. രാവിലെ 8-നു ഫാ. ജോയ് ചെറുവത്തൂര് പീഡാനുഭവ പ്രാര്ത്ഥനയും സന്ദേശവും നല്കും. 10-ന് ആര്ച്ചുബിഷപ് എമരിറ്റസ് മാര് ജോര്ജ് ഞറളക്കാട്ട് ദുഃഖവെള്ളി സന്ദേശം നല്കും.
തുടര്ന്നു ഫാ. തോമസ് തുണ്ടത്തിലിന്റെ നേതൃത്വത്തില് കുരിശിന്റെ വഴി ആരംഭിക്കും. പരിഹാരയാത്രയ്ക്ക് മൗണ്ട് സീനായ് ദേവാലയത്തില് വികാരി ഫാ. നിഷാദ് പുതുപ്പള്ളി സമാപന ആശീര്വാദം നല്കും.
