വത്തിക്കാന് സിറ്റി: വത്തിക്കാന്റെ ഭരണസംവിധാനത്തില് മാര്പാപ്പയ്ക്കും സെക്രട്ടറി ഓഫ് സ്റ്റേറ്റിനും ശേഷം മൂന്നാമതായി വരുന്ന ‘സോസ്റ്റിറ്റൂട്ടോ ‘ പദവിയില് ആര്ച്ചുബിഷപ് പാബ്ലോ റുഡെല്ലിയെ ലിയോ 14-ാമന് പാപ്പ നിയമിച്ചു. സെക്രട്ടറിയേറ്റ് ഓഫ് സ്റ്റേറ്റിന്റെ ജനറല് അഫയേഴ്സ് വിഭാഗം തലവനാണ് സോസ്റ്റിറ്റൂട്ടോ എന്ന പേരിലറിയപ്പെടുന്നത്. വത്തിക്കാന് ഭരണകൂടത്തിലെ ഏറ്റവും സ്വാധീനമുള്ള പദവികളിലൊന്നാണിത്. മാര്പാപ്പയുടെ പ്രസംഗങ്ങള്, രേഖകള്, ഔദ്യോഗിക യാത്രകള് എന്നിവയുടെ ഏകോപനം സോസ്റ്റിറ്റൂട്ടോ യുടെ ചുമതലയാണ്. ഇറ്റാലിയന് സ്വദേശിയും 55 കാരനുമായ ആര്ച്ചുബിഷപ് റുഡെല്ലി നിലവില് കൊളംബിയയിലെ വത്തിക്കാന് സ്ഥാനപതിയായി സേവനമനുഷ്ഠിക്കുകയായിരുന്നു.
കൂടാതെ പേപ്പല് വസതിയുടെ പ്രീഫെക്ടായി കനേഡിയന്-ക്രോയേഷ്യന് വംശജനായ ആര്ച്ചുബിഷപ് പീറ്റര് റെയിച്ചിനെ പാപ്പ നിയമിച്ചു. നിലവില് ഇറ്റലിയിലെയും സാന് മറിനോയിലെയും വത്തിക്കാന് സ്ഥാനപതിയായി പ്രവര്ത്തിക്കുകയായിരുന്നു ആര്ച്ചുബിഷപ് റെയിച്ച്. മാര്പാപ്പയുടെ ദൈനംദിന ഷെഡ്യൂളുകള്, പൊതുദര്ശനങ്ങള്, ചടങ്ങുകള് എന്നിവ ക്രമീകരിക്കുന്നതിനുള്ള ചുമതല ആര്ച്ചുബിഷപ് റെയിച്ചിനായിരിക്കും. നിലവില് ‘സോസ്റ്റിറ്റൂട്ടോ ‘ പദവിയില് ശുശ്രൂഷ ചെയ്യുകയായിരുന്നു വെനസ്വേലന് ആര്ച്ചുബിഷപ് എഡ്ഗര് പെന പാരയെ, ആര്ച്ചുബിഷപ് പീറ്റര് റെയിച്ച് വഹിച്ചിരുന്ന ചുമതലയായ ഇറ്റലിയിലെയും സാന് മറിനോയിലെയും വത്തിക്കാന് സ്ഥാനപതി സ്ഥാനത്തേക്ക് പാപ്പ നിയമിച്ചു.
