എറണാകുളം: ഹൗസ് ചലഞ്ച് സ്ഥാപക സിസ്റ്റര് ലിസി ചക്കാലക്കലിന്റെ നേതൃത്വത്തിലുള്ള കെസിയ ഹോപ് സെന്റര് നിര്മ്മിച്ചു നല്കുന്ന 225-ാമത്തെ വീടു നിര്മ്മാണം തുടങ്ങി. സുമനസുകളുടെ സഹായത്തോടെ ഹൗസ് ചലഞ്ച് പദ്ധതിയുടെ ഭാഗമായാണ് വീട് നിര്മ്മിക്കുന്നത്.
വീടിന്റെ ശിലാസ്ഥാപനം കോണ്ഫിഡന്റ് ഗ്രൂപ്പ് എം.ഡി ടി.എ ജോസഫ് ഉദ്ഘാടനം ചെയ്തു. പാലാരിവട്ടം ജോണ് ദ ബാപ്റ്റിസ്റ്റ് ഇടവക സഹവികാരി ഫാ. ആന്റണി ജെഫിന് ശില ആശിര്വാദിച്ചു. സിസ്റ്റര് ലിസി ചക്കാലക്കല് അധ്യക്ഷത വഹിച്ചു.
കൗണ്സിലര് ഗേളി റോബര്ട്ട്, ഹൗസ് ചലഞ്ച് കോ-ഓര്ഡിനേറ്റര് ലില്ലി പോള്, ഇടവക കേന്ദ്ര സമിതി പ്രസിഡന്റ് ഷിജു ജോര്ജ്, ജിന്സന് ടി. ആര്, ജിജി റോസ് ജയ്സണ്, കലാ ബോണി, റോബിന്സണ് പള്ളന് തുടങ്ങിയവര് പ്രസംഗിച്ചു.
