അങ്കമാലി: ജര്മ്മനിയില് ശുശ്രൂഷ ചെയ്തുകൊണ്ടിരുന്ന മലയാളി വൈദികന് അപകടത്തില് മരിച്ചു. ഷോണ്സ്റ്റാര്ട്ട് സന്യാസ സഭാംഗമായ ജിജു കിലുക്കന് (47) ആണ് അന്തരിച്ചത്. എറണാകുളം അങ്കമാലി അതിരൂപതയിലെ അയ്യമ്പുഴ കൊല്ലക്കോട് കിലുക്കന് വീട്ടില് പരേതനായ ജോസ്-മേരി ദമ്പതികളുടെ മകനാണ്.
മ്യൂണിക്കിലെ ദേവാലയത്തില് അസിസ്റ്റന്റ് വികാരിയായ ഫാ. ജിജു താമസ സ്ഥലത്തേക്കു പോകാന് റെയില്വേ സ്റ്റേഷനില് നില്ക്കുമ്പോള് കാല് തെറ്റി റെയില്വേ ട്രാക്കിലേക്ക് വീണ് ട്രെയിന് ഇടിച്ചാണ് അപകടം സംഭവിച്ചത്. ബിജി, സിസ്റ്റര് ബിന്ദു, ബിജു എന്നിവര് സഹോദരങ്ങളാണ്.
