പാലക്കാട്: അട്ടപ്പാടി സെഹിയോന് ധ്യാനകേന്ദ്രത്തില് ഫാ. സേവ്യര് ഖാന് വട്ടായില് നയിക്കുന്ന ഗ്രാന്റ് യൂത്ത് കോണ്ഫ്രന്സ് ഓഗസ്റ്റ് 30 മുതല് സെപ്റ്റംബര് മൂന്നുവരെ നടക്കും. നിലവിലെ ഡയറക്ടര് ഫാ. സോജി ഓലിക്കല് ശുശ്രൂഷകളില് പങ്കാളിയാകും. യൂത്ത് കോണ്ഫ്രന്സില് കേരളത്തില് നിന്നും അയല്സംസ്ഥാനങ്ങളില്നിന്നുമുള്ള യുവജനങ്ങള് പങ്കെടുക്കും.
പാലക്കാട് രൂപതാധ്യക്ഷന് മാര് പീറ്റര് കൊച്ചുപുരക്കലിന്റെ സന്ദേശത്തോടെ ജൂണ് ഒമ്പതിന് യൂത്ത് കോണ്ഫ്രന്സിന്റെ ഒരുക്കങ്ങള് സെഹിയോന് ധ്യാനകേന്ദ്രത്തില് ആരംഭിച്ചു.
കോണ്ഫ്രന്സിനു മുന്നോടിയായി ധ്യാനകേന്ദ്രം അഡ്മിനിസ്ട്രേറ്റര് നോയല് വി. ജോസഫ് നേതൃത്വം നല്കുന്ന സന്ദേശ യാത്ര അട്ടപ്പാടിയില് തുടങ്ങി. ഫാ. സാംസണ് ക്രിസ്റ്റി പ്രാര്ത്ഥനക്ക് നേതൃത്വം നല്കി. സാബു കാസര്ഗോഡ്, രാജു നെല്ലിക്കാമല, ഇമ്മാനുവല് അക്കരപ്പറ്റി, ഫ്രാന്സിസ് നിലമ്പൂര് എന്നിവര് പങ്കെടുത്തു.
കേരളത്തിലെ വിവിധ ജില്ലകളിലെ ദേവാലയങ്ങള് സന്ദര്ശിക്കുന്ന യാത്ര ജൂലൈ 15ന് സമാപിക്കും. കൂടുതല് വിവരങ്ങള്ക്ക് ഫോണ്: 8281473647, 7034052995
