ന്യൂഡല്ഹി: പാര്ലമെന്റ് മാര്ച്ചില് വിദ്യാര്ത്ഥികള്ക്കെതിരെ നടന്ന പോലീസ് നടപടിയെ അപലപിച്ച് ഇന്ത്യയിലെ കത്തോലിക്ക മെത്രാന് സമിതി (സിബിസിഐ). കോക്രോച്ച് ജനത പാര്ട്ടിയുടെ (സിജെപി) മാര്ച്ചിനിടെ അമിത ബലപ്രയോഗം നടത്തി വിദ്യാര്ത്ഥികളെ നേരിട്ട നടപടി ജനാധിപത്യത്തിനെതിരായ കടന്നാക്രമണമാണെന്നു സിബിസിഐ വ്യക്തമാക്കി.
ആക്ടിവിസ്റ്റ് സോനം വാങ്ചുക്കിന് മെത്രാന് സമിതി ഐക്യദാര്ഢ്യം പ്രഖ്യാപിച്ചു. വിദ്യാഭ്യാസവുമായി ബന്ധപ്പെട്ട ന്യായമായ ആവശ്യങ്ങള്ക്കാണ് യുവജനങ്ങള് തെരുവിലിറങ്ങിയത്. സമാധാനപരമായ പ്രതിഷേധത്തെ അമിത ബലപ്രയോഗത്തിലൂടെ നേരിട്ടത് ജനാധിപത്യത്തെ മുറിവേല്പ്പിക്കുന്നതിന് തുല്യമാണെന്ന് സിബിസിഐ പ്രസ്താവനയില് ചൂണ്ടിക്കാട്ടി.
