കൊച്ചി: പൈതലാം യേശുവെ, ഉമ്മവച്ചുമ്മ വച്ചുണര്ത്തിയ …തുടങ്ങി മലയാളികള് എന്നും പ്രിയത്തോടെ നെഞ്ചിലേറ്റുന്ന അനേകം ക്രിസ്തീയ ഭക്തിഗാനങ്ങള്ക്ക് സംഗീതം നല്കിയ അനശ്വര സംഗീതജ്ഞന് ഫാ. ജസ്റ്റിന് പനക്കല് ഒസിഡിക്ക് ആദരാഞ്ജലികളര്പ്പിച്ച് വരാപ്പുഴ അതിരൂപതാധ്യക്ഷന് ഡോ. ജോസഫ് കളത്തിപറമ്പില്.
ദൈവത്തിന്റെ പ്രിയ ഗായകന് യാത്രയായെന്ന് അനുശോചന സന്ദേശത്തില് ആര്ച്ചുബിഷപ് കളത്തിപറമ്പില് പറഞ്ഞു.
തന്റെയും അതുപോലെ നിരവധി മെത്രാന് മാരുടെയും വൈദികരുടെയും സന്യസ്തരുടെയും ഗുരുവും സന്യാസ ശ്രേഷ്ഠനുമായ ജസ്റ്റിന് പനക്കലച്ചന്റെ ആത്മശാന്തിക്കായി പ്രാര്ത്ഥിക്കുന്നു. ആ വന്ദ്യ പുരോഹിതന്റെ വിയോഗത്തില് വരാപ്പുഴ അതിരൂപതയുടെ പേരിലുള്ള ആത്മാര്ത്ഥമായ അനുശോചനങ്ങള് രേഖപ്പെടുത്തുകയും ചെയ്യുന്നു; അനുശോചന സന്ദേശത്തില് പറയുന്നു.
