കോട്ടയം: സ്വന്തമായി ഒരു വീടെന്ന രണ്ട് നിര്ദ്ധന കുടുംബങ്ങളുടെ സ്വപ്നം യാഥാര്ത്ഥമാക്കിയിരിക്കു കയാണ് കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റി (കെഎസ്എസ്എസ്). സൈമണ് കോട്ടൂര് യുഎസ്എയുടെ സഹായത്തോടെയാണ് വീടുകള് നിര്മ്മിച്ചത്.
സണ്ഷൈന് ഹോം എന്ന പേരില് വിഭാവനം ചെയ്തിരിക്കുന്ന ഭവന നിര്മ്മാണ പദ്ധതിയുടെ ഭാഗമായി കോട്ടയം ജില്ലയിലെ കരിമ്പാനിയിലും മറ്റക്കരയിലുമായിട്ടാണ് രണ്ട് വീടുകള് നിര്മ്മിച്ചു നല്കിയത്. മറ്റക്കര മണ്ണൂര് സെന്റ് ജോര്ജ്ജ് ക്നാനായ കത്തോലിക്ക ഇടവകയുടെ പങ്കാളിത്വ ത്തോടെയാണ് കരിമ്പാനിയിലെ വീട് പൂര്ത്തിയാക്കിയത്.
രണ്ട് മുറിയും ഹാളും സിറ്റൗട്ടും അടുക്കളയും ബാത്ത്റൂമും അടങ്ങുന്ന അറുനൂറ്റിമുപ്പത് സ്ക്വയര് ഫീറ്റിന്റെ വീടുകളാണ് നിര്മ്മിച്ചിരിക്കുന്നത്. എട്ട് ലക്ഷം രൂപ മുതല് മുടക്കുള്ള വീട് ഗുണഭോക്തൃ വിഹിതത്തോടു കൂടിയാണ് നിര്മ്മാണം പൂര്ത്തീക രിച്ചത്. വീടുകളുടെ തക്കോല് ദാനം കോട്ടയം അതിരൂപതയിലെ സീനിയര് വൈദികന് റവ. ഡോ. തോമസ് കോട്ടൂര് നിര്വ്വഹിച്ചു.
കോട്ടയം സോഷ്യല് സര്വ്വീസ് സൊസൈറ്റി എക്്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, കെഎസ്എസ്എസ് കിടങ്ങൂര് മേഖല കോ-ഓ ര്ഡിനേറ്റര് ബിജി ജോസ്, ഷിന്സ് പി. ലൂക്കോസ് എന്നിവര് ചടങ്ങില് സന്നിഹിതരായിരുന്നു. പദ്ധതി യുടെ ഭാഗമായി ഇതിനോടകം മൂന്ന് വീടുകളുടെ നിര്മ്മാണം പൂര്ത്തിയാക്കി. കൂടുതല് കുടുംബങ്ങ ള്ക്ക് പദ്ധതിയുടെ സേവനം പ്രയോജന പ്പെടുത്തു വാനുള്ള ഒരുക്കത്തിലാണ് കോട്ടയം സോഷ്യല് സര്വീസ് സൊസൈറ്റി.
