എറണാകുളം: സിസ്റ്റര് ലിസി ചക്കാലക്കലിന്റെ നേതൃത്വത്തിലുള്ള കെസിയ ഹോപ് സെന്റര് ഹൗസ് ചലഞ്ച് പദ്ധതിയിലൂടെ സുമനസുകളുടെ സഹകരണത്തോടെ പൂര്ത്തിയാക്കിയ 217-ാമത്തെ വീടിന്റെ താക്കോല് എറണാകുളം ജില്ലാ കളക്ടര് ജി. പ്രിയങ്ക കൈമാറി.
ചടങ്ങില് സിസ്റ്റര് ലിസി ചക്കാലക്കല് അധ്യക്ഷത വഹിച്ചു. കൊച്ചി രൂപത എപ്പിസ്കോപ്പല് വികാരിയും ആല്ഫ പാസ്റ്ററല് സെന്റര് ഡയറക്ടറുമായ ഫാ. ഫ്രാന്സിസ് കളത്തിവീട്ടില് മുഖ്യാതിഥിയായിരുന്നു. തോപ്പുംപടി കൗസിലര് ജോസഫ് സുമീത്, ഹൗസ് ചലഞ്ച് കോ-ഓര്ഡിനേറ്റര് ലില്ലി പോള്, ജിജി റോസ് ജെയ്സണ്, കല ജോസഫ്, ജോര്ജ് ജെയ്സണ്, ടി.എം. റിഫാസ് തുടങ്ങിയവര് പ്രസംഗിച്ചു.
സര്ക്കാര് സഹായത്തോടെ ആരംഭിച്ച ഈ വീട് പൂര്ത്തിയാക്കാന് വേണ്ട സഹായം നല്കിയത് സോഫി തോമസും മറ്റു സുമനസുകളുമാണ്.
