കൊല്ക്കത്ത: പശ്ചിമബംഗാള് ബിഷപ്സ് കോണ് ഫ്രന്സിന്റെ ഹെല്ത്ത് കമ്മീഷന് റീജണല് സെക്രട്ടറി സിസ്റ്റര് വേളാങ്കണ്ണി ചിന്നബത്തിന (42) വാഹനാപകടത്തില് മരിച്ചു. മിഷണറി സിസ്റ്റേഴ്സ് ഓഫ് ദി ഇമ്മാക്കുലേറ്റ് കണ്സെപ്ഷന് സഭാംഗമായ സിസ്റ്റര് ബംഗാളിലെ മെഹന്ദി പാറയിലുണ്ടായ വാഹനാപകടത്തിലാണ് മരണമടഞ്ഞത്.
കത്തോലിക്കാ സഭയുടെ ആരോഗ്യ വിഭാഗത്തില് നിര്ണ്ണായക പദവികള് വഹിച്ചിരുന്ന വ്യക്തിയാ യിരുന്നു സിസ്റ്റര് വേളാങ്കണ്ണി. കാത്തലിക് ഹെല്ത്ത് അസോസിയേഷന് ഓഫ് ഇന്ത്യ (ഛായ്) ദേശീയ കൗണ്സില് അംഗം, കാത്തലിക് മെന്റല് ഹെല്ത്ത് മിനിസ്ട്രി പശ്ചിമ ബംഗാള് റീജിയണല് കോ- ഓര്ഡിനേറ്റര് തുടങ്ങിയ നിലകളില് പ്രവര്ത്തിച്ചുവരുകയായിരുന്നു.
ബുനിയാദ്പൂരിലെ കരുണ ഹോളിസ്റ്റിക് ആശുപത്രിയില് നേഴ്സായി സേവനമനുഷ്ഠിച്ചിരുന്ന സിസ്റ്റര് മഠത്തിലേക്ക് സ്കൂട്ടറില് മടങ്ങുന്നതിനിടെയാണ് അപകടം സംഭവിച്ചത്. പിന്നാലെ വന്ന ട്രക്ക് സ്കൂട്ടറില് ഇടിക്കുകയായിരുന്നു. റോഡിലേക്ക് തെറിച്ചുവീണാണ് മരണം സംഭവിച്ചത്. ഹൈദരാബാദ് സ്വദേശിനിയായ സിസ്റ്റര് വേളാങ്കണ്ണി 2000-ലാണ് മഠത്തില് ചേര്ന്നത്.
