അഹമ്മദാബാദ്: ക്രൈസ്തവ വിശ്വാസം പ്രഘോഷിക്കപ്പെടാൻ തടസങ്ങളുള്ളപ്പോഴും ഹൻസോളിലെ ഇമ്മാക്കുലേറ്റ് കൺസെപ്ഷൻ ചർച്ചിൽ നടന്ന ‘ഡിവൈൻ മേഴ്സി എൻകൗണ്ടർ എക്രോസ് ലെന്റ്’ ധ്യാനം വിശ്വാസികൾക്ക് ആത്മീയ ഉണർവായി. ദിവീന മിസരി കോർദിയ ഇൻ്റർനാഷണൽ മിനിസ്ട്രി ഗുജറാത്ത് ഗ്രൂപ്പിൻ്റെ നേതൃത്വത്തിലാണ് ശുശ്രൂഷകൾ നടന്നത്.
ഫാ. ജയരാജ്, സിസ്റ്റർ അനിത ഡി.പി, സിസ്റ്റർ റോസി പള്ളത്ത് സി.സി.വി. പള്ളത്ത്, സിസ്റ്റർ റോസ റെയ്മണ്ട് എഫ്.സി.സി എന്നിവർ ധ്യാനപ്രസംഗങ്ങൾക്കും പ്രാർത്ഥനകൾക്കും നേതൃത്വം നൽകി.
ക്രിസ്തുവിന്റെ കരുണയും സ്നേഹവും ആഴത്തിൽ അനുഭവിച്ചറിയാൻ സഹായിക്കുന്ന വിവിധ ശുശ്രൂഷകളിൽ നിരവധി വിശ്വാസികൾ പങ്കെടുത്തു.നോമ്പുകാലത്തെ ആത്മീയ ഒരുക്കത്തിന്റെ ഭാഗമായി നടന്ന ഈ ധ്യാനം വിശ്വാസികൾക്ക് നൂറുകണക്കിനാളുകൾക്ക് അനുഗ്രഹമായെന്ന് സംഘാടകർ അറിയിച്ചു.
