പ്രകൃതിയും സാങ്കേതികവിദ്യയും കൈകോർക്കുന്ന ഒരിടം. സൂര്യന്റെ അനന്തമായ ഊർജ്ജത്തെ മനുഷ്യരാശിയുടെ നന്മയ്ക്കായി എങ്ങനെ ഉപയോഗിക്കാം എന്ന് ലോകത്തെ പഠിപ്പിക്കാൻ മൂന്ന് പതിറ്റാണ്ടുകൾക്ക് മുമ്പ് ആരംഭിച്ച പരിശീലന കേന്ദ്രമാണ് ആലുവയിലെ ‘മിത്രധാം’.
1996-ൽ പ്രവർത്തനം ആരംഭിച്ച ഈ സ്ഥാപനം, പുനരുപയോഗ ഊർജ്ജമേഖലയിൽ പ്രവർത്തിക്കുന്ന സ്ഥാപനങ്ങളിൽ കേരളത്തിന് അഭിമാനിക്കാവുന്ന ഒരു മാതൃകയാണ്. സി.എം.ഐ സന്യാസ സമൂഹത്തിന്റെ എറണാകുളം സേക്രട്ട് ഹാർട്ട് പ്രൊവിൻസിനു കീഴിൽ പ്രവർത്തിക്കുന്ന മിത്രാധാം, ഭാവിയുടെ ഊർജ്ജ സ്രോതസ്സുകളിലേക്കുള്ള ഒരു വാതിലായി നിലകൊള്ളുന്നു.
